A morte por suicidio de Rosa acontece unha mañá de outono, mentres o seu home está no traballo e os seus fillos adolescentes acoden ao instituto como un día calquera. Na súa ausencia, as voces das persoas que a querían contan quen era. O papel que cada unha delas xoga na vida de Rosa, as contradicións íntimas e os diferentes xeitos de afrontar a dor, a culpa e o estigma social durante o proceso de loito, son os círculos arredor dos que xira unha novela que fala, por riba de todo, da supervivencia. Cun estilo limpo e delicado, de lectura doada e emotiva, Un elefante na sala de estar pon sobre a mesa a problemática do suicidio, que é xa a primeira causa de morte non natural entre a poboación adulta e moza, para combater os mitos e o silenciamento. Para non calar máis.
- Titulo: Un elefante na sala de estar
- Autor: Dávila, Berta
- Editora: XERAIS
- Idioma: Galego
- Capa: RUSTICA
- Ano de edição: 2022
- Assunto: LIBROS > INFANTIL Y JUVENIL > LITERATURA JUVENIL: MAS DE 13 AÑOS
- ISBN: 9788411100861
Produtos relacionados
