Este libro de Emilio Pérez Touriño recolle a memoria dun período recente da historia da Galicia contemporánea contado en primeira persoa polo autor. O libro nace como resposta á gran débeda contraída coa maioría social do país, cos que apostaron polo cambio en 2005 e cando menos, cos 795.200 galegas e galegos que apoiaron a coalición de goberno nas eleccións autonómicas de 2009. Porque, en opinión do autor, todos e cada un deles merecen unha explicación que non se lles deu. Porque teñen dereito a coñecer as razóns, os feitos, o transcurso dun proxecto no que tiñan depositadas tantas expectativas que non se puideron prolongar. As páxinas de O futuro é posible non son nin unhas memorias nin un texto de socioloxía política. Pretenden ser a historia dun traxecto, o percorrido dunha experiencia compartida contada en primeira persoa, tal e como a viviu e a percibiu o autor e, polo tanto, con toda a súa carga de subxectividade, asumindo o risco de equivocarse. Foron escritas dende o compromiso de non edulcorar nada do acontecido e sen fuxir da autocrítica necesaria. E sobre todo, coa esperanza de que este libro poida ser útil a todos aqueles que seguen soñando coa mellor Galicia e dende a mesma convicción de que o futuro é posible.Retrato dun tempo de cambio. Galicia (1998-2009)
- Titulo: O Futuro e posible
- Autor: Perez Touriño, Emilio
- Editora: GALAXIA
- Idioma: Galego
- Capa: OTRO FORMATO LIBRO
- Ano de edição: 2012
- Assunto: LIBROS > BIOGRAFIAS
Produtos relacionados
